“UzAuto Motors” АЖ томонидан 2020 йил январ ойидан бошлаб давлат бюджетига солиқ тўловлари амалга оширилмаганлиги маълум бўлди.

Ҳисоб палатаси “2021 йил учун Ўзбекистон Республикаси Давлат бюджети тўғрисида”ги Қонуни лойиҳаси бўйича хулоса чиқарди. Қуйидаги ҳужжатда қайд этилишича 2019 йил 1 октябрдан бошлаб юртимизда ишлаб чиқарилган янги автотранспорт воситаларини сотиб олганлик учун солиқлар “UzAuto Motors” томонидан тўлаб борилиши керак бўлган. Шу муносабати билан 2019 йилдан транспорт воситаларнинг нархи 3% кўтарилганлигининг гувоҳи бўлдик.

Бироқ, 2020 йил мобайнида “UzAuto Motors” Давлат бюджетига ҳеч қандай тўлов қилмаган. Амалга оширилмаган тўловлар миқдори 582,6 млрд сўмни ташкил қилади.

Шунингдек, “UzAuto Motors” бу қарздорликдан 3% имтиёз ҳам талаб этмоқда. Шу мақсадда, Давлат автотранспорт воситалари ишлаб чиқарувчиларини йиғим тўлашдан озод этувчи имтиёзлар тўғрисидаги ҳужжат ва қарорларни қайта кўриб чиқмоқда.

Янгиликларни телеграмда ўқинг