2021 йилнинг сўнгига қадар Фарғона вилоятида электромобилларни йиғиш бўйича 520 млрд сўмлик қийматга эга инвестицион лойиҳа йўлга қўйилада.
Лойиҳа Central Asia Ceramic (керамик маҳсулот, сантехника ишлаб чиқарувчи) компанияси томонидан амалга оширилади. Ишлаб чиқариш қуввати йилига 30 минг дона автомобилга тенг бўлади, 350 та янги иш ўрни яратилади.
2019 йилда «Шаффоф омадли саноат» хусусий корхонаси хитойнинг Silk Road Company компанияси билан биргаликда 2021 йилдан электромобилларни ишлаб чиқаришини бошлаши ҳақида эълон қилинган эди. Электромобилнинг нархи 3000 долларга баҳоланди. Бутун Ўзбекистон бўйлаб эса электромобиллар ишлаб чиқарилиши 2025 йилда бошланиши ҳақида маълум қилинди.
Шунингдек, 2020 йилда Ўзбекистон 2,9 млн доллар қийматга эга 131 та электромобиль импорт қилган. Шу боис март ойида Молия вазирлиги томонидан мамлакат ичида электромобил харид қилиш ва уларни вақтинча олиб кириш учун тўловларни бекор қилиш бўйича таклиф киритилди.
