Oy: Mart 2021

Тошкентнинг 10 та кўчасида пуллик автотураргоҳлар ташкил этилади

Транспорт вазирлиги Тошкент бўйлаб пуллик автураргоҳлар яратиш лойиҳасини кўриб чиқмоқда. Лойиҳа давлат ва хусусий секторлар шерикчилиги асосида амалга ошириши кутилмоқда.

Пуллик автотурагоҳларни жорий этиш бўйича чора-тадбирлар 2018 йилдан буён режалаштирилмоқда. Маълумотларга кўра, умумий 6 миллион долларга баҳоланган лойиҳа турк компаниялари билан ҳамкорликда олиб борилиши таъкидланган эди.

2020 йил декабрь ойида давлат томонидан автотураргоҳлар ташкил этиш борасида ҳуқуқий нормалар ишлаб чиқилганди. Бунда автотураргоҳлар жойлашуви, буюртма, шароити ва бошқа кўплаб схемалар тасдиқланган эди.

Эндиликда лойиҳа синов тариқасида амалга оширилади. Агар синов натижалари ижойиб кўрсатгичларга эга бўлса, 2023 йилга қадар бир қатор пуллик автотураргоҳлар яратилади.

Пуллик автотураргоҳла яқин ва узоқ хорижнинг деярли барча пойтахтлари ва йирик шаҳарларида мавжуд. Масалан, 2016 йилдан бери Олмаотада 11 мингдан пуллик ортиқ тўхташ жойлари ташкил этилган.

Энди Яндекс Таксига карта орқали тўлаш мумкин

Ўзбекистонда 2018 йилдан буён нақд билан хизмат кўрастаётган, Яндекс Такси Тошкент вилоятида тўловларни “Yandex Go” иловаси орқали Uzcard, Humo, Visa ва Mastercard банк карталарида қабул қилишни бошлади.

Пойтахтда такси хизматларини Ўзбекистоннинг маҳаллий тўлов тизимларида, ҳамда халқаро карталарида амалга ошириш мумкин.

Картани “Yandex Go”  иловасига бир маротаба улаш кифоя. Бунинг учун асосий менюнинг “Тўлов усуллари” бўлими очилиб, карта рақами киритилади. Кейинчалик такси буюртма қилинганда нақд пулсиз тўловни танлаш билан хизмат суммаси автоматик равишда ечиб олинади.

Компаниянинг хабар беришича чой-чақани ҳам тўғридан-тўғри саёҳат охирида амалга ошириш мумкин. Картадан чой-чақа ўтказиш учун “олдиндан фоиз” ёки “саёҳат охирида фоиз” фунциясини ташлаш зарур бўлади.

Aгар мижоз ҳайдовчи келгандан сўнг буюртмани бекор қилмоқчи бўлса, картадан тариф бўйича миж автомобиль келганлиги учун сумма олинади.

Техник кўрикдан ўтганлиги ҳақида талонлар берилмайди

2021 йил Chevrolet Equinox ва Chevrolet Tracker нархлари билан танишинг

2021 йил Chevrolet Equinox ва Chevrolet Tracker нархлари билан танишинг

“UzAuto Motors” компанияси янгиланган Chevrolet Equinox ва Chevrolet Tracker автомобиллари хариди бўйича 2021 йил учун буюртмалар қабул қилишни бошлади.

Янгиланган Chevrolet Equinox RS комплекти ўзида қуйидаги опцияларни мужассам этади:

  • Тўлиқ светодиод оптика;
  • Мослашувчан круиз-контроль;
  • Парковка пайтида орқадаги ҳаракатни ҳақида огоҳлантирувчи тизим;
  • Кўринмас жойларни мониторинг қилиш;
  • Олдинги ўриндиқлар вентиляцияси;
  • Премиум акустик тизим;
  • Хавфсизлик тизимлари (пиёдаларни аниқлаш, тўқнашув ҳақида огоҳлантириш, ҳаракат чиқиғидаги бошқарув).

Chevrolet Tracker ихчам, замонавий ва универсал кроссовер излаётганлар учун ажойиб танлов бўлиб хизмат қилади. Янгиланган Chevrolet Tracker LT ва Redline моделлари сунъий чарм билан қопланган олдинги ўриндикларнинг электро бошқарув тизими (электррегулировка), ҳамда иқлим назорати билан жиҳозланган.

Ушбу автомобилларни Chevrolet компаниясиниг авторизацияланган расмий диллерларидан харид қилиш мумкин.

2021 йилда ишлаб чиқарилган Chevrolet Equinox нархлари:

  • Асосий комплект: 260 000 000 сўмдан;
  • RS комлект: 360 000 000 сўм.

2021 йилда ишлаб чиқарилган Chevrolet Tracker нархлари:

  • Асосий комплект: 145 130 000 сўмдан;
  • LT комлект: 201 740 000 сўм;
  • Redline комлект: 208 696 000 сўм.

Aсосий комплектдаги автомобилни харид қилишни истовчилар расмий диллерлик ёки info@uzautomotors.com да ариза қолдиришлари мумкин. Етарли буюртмалари қабул қилингандан сўнг, автомобиллар харидорларга етказиб берилади.

Chevrolet Onix хусусиятлари билан танишинг

«Volkswagen Caddy»нинг янги нархлари билан танишинг

Муроджон Аҳмадалиев ва Шахрам Ғиёсов кимга қарши курашади?

2021 йил 3 апрель куни Тошкентда бўлиб ўтадиган бокс мусобақасида Муроджон Аҳмадалиев ва Шахрам Ғиёсов ўз камаларини ҳимоя қилишади.

“Ҳумо арена” муз саройида иккинчи енгил вазн тоифасида икки йўналиш чемпиони Муроджон Аҳмадалиев япониялик боксчига қарши Рёсуке Иваса қарши курашда ВБА ва ИБФ камарларини ҳимоя қилади. 

Боксчи Шаҳрам Ғиёсов ўзининг ВБА Интернатионал камарини россиялик Иса Чаниевдан беллашувида ҳимоя қилади.  

Шунингдек, кечанинг қолган жангларида Ҳасанбой Дўсматов, Исроил Мадримов, Баҳодир Жалолов, Элнур Абдураимов, Санжар Турсунов, Иқболжон Холдоров ҳамда Миразизбек Мирзаҳалилов каби боксчиларимиз ҳам рингга кўтарилишади.

Автомобиль янгиликлари билан қуйидаги манба орқали танишинг

Техник кўрикдан ўтганлиги ҳақида талонлар берилмайди

Ҳукуматнинг 2021 йил 9-мартдаги “Транспорт воситаларни мажбурий техник кўрикдан ўтказиш тартибини такомиллаштиришга доир қўшимча чора-тадбирлар тўғрисида”ги  125-сонли қарорига мувофиқ техник кўрикдан ўтганлиги тўғрисидаги талонларни бериш амалиёти бекор қилинади.

Ҳужжатга кўра, эндликда мобиль техник назорат линияларидан фойдаланиш тартиби жорий этилади.

Ушбу тизимни йўлга қўйиш бўйича қуйидагилар амалга ошрилади:

  • 2021 йил 1 сентябрдан M1 тоифадаги автотранспорт воситаларини хусусий секторларда мажбурий техник кўрикдан ўтказилаётганда ҳаракатланувчи мобиль техник назорат линияларидан фойдаланилади.
  • 2021 йил 1 июлга қадар хусусий техник кўрикдан ўтказиш фаолиятини амалга оширувчи тадбиркорларга “Техник кўрик” ахборот тизимига кириш имконияти яратилади.
  • 2021 йил 1 сентябрдан техник кўрик талонлари берилмайди. Улар фақат хорижий давлатларга чиқадиган транспортлар учун тақдим этилади.

Тошкент шаҳридаги 2021 йил мажбурий техник кўрик жадвали эълон қилинди

Шунингдек, мажбурий техник кўрик муддати белгиланди:

  • Бир йилда 2 маротаба – ўриндиклари 8 та ва ундан ортиқ бўлган ёки йўловчилар ташишга мўлжалланган енгил автомобиллар, автобуслар, троллейбуслар, трамвайлар, ҳамда йирик габаритли ва оғир вазнли юк автомобиллари;
  • Икки йилда 1 марта – ишлаб чиқарилганига 6 йилдан кўп бўлмаган транспортлар;
  • Бир йилда 1 марта – 6 йилдан ортиқ ишлаб чиқариш муддатига эга бўлган транспортлар.

Тиркамалар эса шатакчи учун белгиланган муддатларда техник кўрикдан ўтказилавди.

Эслатиб ўтамиз, илгари айтиб ўтганимиздек янги автомобиллар техник кўрикдан ўтказилмайди.

Электромобилларни қачон харид қилиш мумкин бўлди?

Ўзбекистон Республикаси Вазирлар Маҳкамасининг 29 декабрдаги қароридан келиб чиқган ҳолда 2021 йилда «Ўзавтосаноат» 2025 йилга қадар электр транспорт воситаларини ишлаб чиқариш концепциясини тузди. Компания келажакда фақат электр транспорт воситаларини ишлаб чиқаришга ўтказишни режалаштирмоқда.

Шу билан бирга 2020 йил декабридан бошлаб Ўзбекистон ҳукумати мамлакат ичкарисида электр транспорт воситаларини сотиб олиш ва уларни вақтинча олиб кириш учун олинадиган тўловни бекор қилди. 1 январдан бошлаб эса электр транспорт воситаларини Ўзбекистонга олиб кириш учун божхона тўлови ҳам бекор қилинди.

2025 йилга қадар Ўзбекистонда электр транспорт воситаларини ишлаб чиқариш йўлга қўйилиши мумкин,-деди ўз интервьюсида “Ўзавтосаноат” нинг “Стратегик режалаштириш, таҳлил қилиш ва ривожлантириш” бўлими бошлиғи Рустам Қодиров. У ўз сўзида электр транспорт воситалари ишлаб чиқариш концепцияси ишлари битганидан сўнг, тахминан 2025 йилга қадар бу автомобиллар ишлаб чиқарила бошлайди.

«Агар дунёда ҳар йили 100 миллион автомобиль сотилса, у ҳолда электр транспорт воситаларининг улуши 2 фоизни ташкил қилади. Тесла машинасини ҳамма яхши кўради. Унинг нархи 35 минг долларни ташкил этади (АҚШдаги энг арзон Тесла Модель 3 нинг чакана нархи, Ўзбекистонда унинг нархи икки баравардан кўпроқ туради – таҳр.). Аммо, Ўзбекистонда ҳам 35 минг доллорга машина сотиб оладиганлар кам эмас. Бугунги кунда савдоларимизнинг 80 фоизини 11 минг доллардан кам бўлган автомобиллар ташкил этмоқда ”, – дейди Рустам Қодиров.

Аммо аввал электромобилларни зарядлаш учун зарур инфратузилмани яратиш керак. 2021 йилда Тошкентда электр транспорт воситалари учун иккита қувват олиш станцияси қурилди, аммо уларнинг очилиши ҳақидаги маълумотлар расмий манбаларда ҳали эълон қилинмади.

Шу билан бирга Ўзбекистонда электр транспорт воситаларини ишлаб чиқариш бўйича бошқа лойиҳалар ҳам кўриб чиқилмоқда.

Жанубий Кореянинг Ҳюндаи автомобиль концерни Қўқонда йилига 10 мингтагача электр транспорт воситаларини ишлаб чиқаришни режалаштирган. Аммо 2018 йилда лойиҳа шартномаси имзоланганидан бери ишлаб чиқаришни йўлга қўйиш тўғрисида ҳеч қандай маълумот олинмади.

Қўқон эркин иқтисодий зонасида йилига 10 мингта электр транспорт воситасини ишлаб чиқариш қувватига эга завод қурилиши лойиҳа бўйича 2021 йилда бошланиши керак. Лойиҳанинг қиймати 300 миллион долларни ташкил этади, биринчи электр транспорт воситасини ишлаб чиқариш 2023 йилга қадар кутилмоқда. Аммо ҳозирча лойиҳанинг ҳолати номаълум.

Жанубий Кореянинг Роопер теиком Со. Лтд ҳам Ўзбекистонда электр транспорт воситалари ишлаб чиқаришни режалаштирган.

Бу ҳақда 2018 йил сентябрь ойида компания директори Сунг Ин Сонг Андижон вилояти маъмурияти раҳбари билан учрашувда маълум қилди.

“Биз ва шерикларимиз ушбу лойиҳага 2 миллион доллар сармоя ётқизишга келишиб олдик. Келгуси йил охирига қадар электромобиллар ишлаб чиқаришни йўлга қўйишни режалаштирмоқдамиз”, деди у.

«Ўзбекэнерго» компанияси ҳам электр транспорт воситалари учун зарур инфратузилмани яратиш масалаларини муҳокама қилмоқда.

Шу билан бирга , Тошкентдаги Турин политехника университети Ўзбекистондаги биринчи ўзини ўзи бошқарадиган автомобиль лойиҳаси устида ишламоқда. Ушбу ташаббус «Ўзавтопром» томонидан Россиянинг икки шериги билан биргаликда молиялаштирилади.

Февраль ойида моделлари УзАуто Моторс томонидан ишлаб чиқарилган ва сотилган Американинг Генерал Моторс компанияси 2025 йил охирига келиб АҚШда ГМ томонидан сотиладиган автомобилларнинг 40% и электр энергияси билан таъминланишини айтди.

2035 йилга келиб, Генерал Моторс бензинли транспорт воситаларини ўз таркибидан бутунлай чиқариб ташламоқчи.

Ўтган йили, Давлат статистика қўмитаси маълумотларига кўра, Ўзбекистонга 131 та электр транспорт воситаси (қиймати 2,9 миллион АҚШ доллари) импорт қилинган, бу 2018 йилга нисбатан 10 баравар кўп (13) ва 2019 йилга нисбатан 39 баравар (39) кўп.

2020 йилда электр транспорт воситаларининг аксарияти Хитойдан – 92 та, Жанубий Кореядан – 13 та импорт қилинган. Шунингдек, АҚШ ва Грузиядан – 7 тадан, Германиядан – 5 та ва бошқа мамлакатлардан – 7 та импорт қилинган.

Uzauto Motors янгиликлари

UzAuto Motors мартдан шартномалар тузишни бошлайди

Йўлнинг носозлиги сабаб ЙТҲ содир бўлса, зарарни ким қоплайди?

Транспорт вазирлиги инспекторларнинг қандай ваколатга эгалиги ва йўл носозлиги ЙТҲларга сабаб бўлганда кўриладиган чоралар ҳақида маълумот берди.

Автомобил ташувларини назорат қилиш бошқармаси инспекторлари қуйидагиларни назорат қилиш ҳуқуқига эга:

  • йўловчилар ва юклар ташувчи автотранспорт воситаларида лицензия карточкалари мавжудлигини;
  • автомобилларда ташувларни амалга ошириш шартларига риоя этилишини;
  • ҳайдовчиларнинг меҳнат ва дам олиш режимига риоя этишини назорат қилишини.

Текширувлар йўловчилар тўпланадиган, юклар ортиб, тушириладиган йирик пунктларда: темир йўл вокзаллари ва станцияларида, дарё портларида, бозорларда, метрополитеннинг охирги станцияларида, автовокзалларда, автобус йўналишларининг оралиқ ва охирги тўхташ бекатларида ҳамда ИИВ Давлат йўл ҳаракати хавфсизлиги хизматининг стационар постларида амалга оширилади.

Назоратни амалга оширишда инспекторлар қуйидаги риоя этиши лозим:

  • ҳайдовчига ўзини ва лавозимини таништириши, ҳайдовчининг талабига кўра хизмат гувоҳномасини кўрсатиши;
  • ҳайдовчиларга уларнинг ҳуқуқларини тушунтириши;
  • шахснинг ҳуқуқ ва қонуний манфаатларига қатъий риоя қилиши, ўз хизмат вазифасини аниқ бажариши, ҳайдовчига нисбатан маданиятли муомалада бўлиши.

Йўлнинг носозлиги сабаб ЙТҲ содир бўлганда ким жавобгар бўлади?

Бундай ҳолатларда ҳайдовчи Транспорт вазирлиги ҳузуридаги Автомобил йўлларини назорат қилиш инспекциясига мурожаат қилиши мумкин. Ушбу жараёнда инспекция томонидан ҳодиса ўрганилади ва керакли хулосалар судга берилади. Агар ЙТҲ содир йў носозлиги туфайли содир бўлса, зарар йўл тегишли бўлган ташкилот балансидан қопланади.

Uzauto Motors янгиликлари билан қуйидаги манба орқали танишинг

Ҳайдовчилик гувоҳномаси имтихони хусисий секторга берилади

Uzauto Motors янгиликлари

2021 йил 2 мартда “Uzauto Motors” компаниясининг ОАВ вакиллари учун ташкил этган пресс-турнинг илк куни бўлиб ўтди.

Унда аввалроқ тўхтаб қолган янги Spark, Nexia, Cobalt ва Lacetti автомобиллари учун шартномалар бериш 2021 йилдан 3 мартдан қайта бошланиши айтилди. UzAutoMotors кунига 1000 донадан автомобил ишлаб чиқаришни яна қайта йўлга қўйди.

Бундан ташқари “Uzauto Motors” янги моделларни намойиш этди. Улардан бири 6 ойдан сўнг харидда мавжуд бўладиган Lacetti Red Line. Унинг тахминий нархи 138 млн. ташкил этади ва махсус буюртма асосида тайёрланиши айтилди.

https://avtobiznes.uz/wp-content/uploads/2021/03/IMG_5023-4.mp4
Lacetti Red Line

Шунингдек, Chevrolet ONIX модели ҳам намойиш этилиб, у 9 000 дан 12 000 долларгача нархда бўлиши айтилмоқда. У Матиз ўрнида ишлаб чиқарилиши мўлжалланган экан.

https://avtobiznes.uz/wp-content/uploads/2021/03/IMG_5022-1.mp4
Chevrolet Onix

Тадбирда “Uzauto Motors” автомобилларини етказиб бериш муддати 1-2 ойга узайтирилганлиги ҳақида хабар берилди. Бунга сабаб дунё бўйлаб микросхема ишлаб чиқаришда қўлланиладиган ярим ўтказгичлар (полупроводник) танқислиги бўлди. Автомобиллар аввалгидек йиғилиб борилмоқда, бироқ якуний жараён давомийлиги смехаларнинг ўз вақтида етказиб берилишига боғлиқ бўлиб қолди. Ҳозирда заводлар микросхема билан ҳаво йўли орқали таъминланмоқда. “Uzauto Motors” вакилларининг сўзларига кўра бу муаммо 2021 йилнинг иккинчи ярмида бартараф этиб борилиши таъкидланди. Янги шартномалар бўйича олинган маблағлар ишлаб чиқаришнинг доимийлигини таъминлаш учун хомашё ва керакли қисмларни сотиб олишга сарфланади.

Нима учун яримўтказгичлар ва микросхемаларнинг етишмаслиги автомобилсозлик саноатига таъсир этаяпти?

Пандемия даврида турли хил гаджет ва электрон ускуналарга бўлган талабнинг ошиши бутун дунёда яримўтказгичларнинг етишмовчилигини келтириб чиқарди. Чипларни етказиб беришдаги узилишлар ва таъминот занжиридаги узилишлар аллақачон бир қатор автоулов заводларининг ёпилишига олиб келди. Aксарият замонавий транспорт воситаларини ишлаб чиқаришда ўнлаб микросхемалардан фойдаланади, баъзи ҳолларда уларнинг сони 150 тага етиши ҳам мумкин. Чиплар двигателнинг ишлашидан тортиб, навигация тизимларига қадар жавобгардир. Аммо дунёда ушбу микросхемалар бир нечта заводлар томонидан ишлаб чиқарилади холос. Ҳатто Tesla ҳам микросхемаларнинг етишмаслиги сабабли ишлаб чиқаришни вақтинча тўхтатди.

«UzAuto Motors» да навбатни телеграм бот ва расмий сайт орқали билиб олиш мумкин

«UzAuto Motors»нинг Асака филиалида янги цех ишга туширилди