Дунёга машҳур Bentley компанияси 2030 йилгача бензин билан ишлайдиган автомобилларни ишлаб чиқаришни бутунлай бекор қилишни режалаштирмоқда.
Неча йиллардан буён Bentley компанияси қулай ва нафис авто ҳаваскорларига вақт синовини енгиб ўтган классик машиналарни таклиф этса, замонавий автомобиль ихлосмандларини ғайриоддий механизмларни ўзида мужассам этган машиналар билан ҳайратлантирарди.
Аммо охирги маълумотларга кўра, компания ўзининг 101-йиллик фаолиятида Beyond100 ривожланиш стратегиясини қабул қилади. Ушбу режа асосида у углерод бутунлай нейтрал тузилишга айланишини ваъда қилмоқда. Табиийки, бундай улкан мақсадларга эришиш учун компания барча иш жараёнларининг операцион фаолиятини, ишлаб чиқариш занжирларини, ҳатто бутун модел доирасини ҳам жиддий ўзгартириши зарур бўлади.
2020 йилда Bentley бренди ўзининг 61 йилдан ортиқ вақт ишлаб чиқарилаётган, афсонавий V8 двигателли автомобили билан ҳайрлашди. Бу авто билан бир қаторда қуйида агрегат ўрнатилган седан Mulsanne нафақага чиқди.
Маълум бўлишича, 2026 йилдан бошлаб товар ассортиментидан фақат гибрид ва электр транспорт воситалари жой олади. 2030 йилдан кейин компания фақатгина водород транспорти ёки электр аккумляторли транспорт воситалари билан шуғулланмоқчи.
Aвгуст ойида компания келажак транспорти учун оптимал ечимларни ишлаб чиқишга бағишланган OCTOPUS лойиҳасига қўшилди. Бу лойиҳанинг асосий мавқсадларидан бири ноёб магнитлар ва мис симларини билан ўралган двигательнинг ўрнига, яхлит интеграл электр қурилмаксини яратишдир. Унга кўра, барча компонентлар ягона блокда жойлашган бўлади.
Янгиликларни телеграмда ўқинг