Жиззахда Lada ва Renault йиғилиши, каршейринг ва электромобиллар

Жиззахда LADA ва Renault йиғиш режалаштириляпти

Президентнинг ПҚ-4937 сонли қарори билан тасдиқланган 2021-2023 йиллардаги инвестицион дастур доирасида автомобилларни ADM-Jizzakh заводида йиғилиши режалаштирилган.

Roodell компаниясига тегишли ADM-Jizzakh заводида олдинроқ Kia автомобиллари йиғилиши айтилганди. Заводнинг ишлаб чиқариш қуввати йилига 100 минг автомобиль бўлиши кутиляпти. Roodell директори Даниёр Давлетияров олдинроқ заводда 3 та автобренд йиғилишини айтганди: президент қарорига кўра Kia, LADA, Renault лар йиғилади.

UzAvtoSanoat ни фақатгина электромобиллар ишлаб чиқаришга ўтказиш лойиҳаси кўриб чиқилади.

Вазирлар Маҳкамасининг 2020 йил 29 декабрдаги 812-сонли қарорига кўра 2021 йил 1 фервалгача UzAvtoSanoat га фақатгина электромобиллар ишлаб чиқариш концепциясини ишлаб чиқиши топширилган. Келгуси 2 ой ичида электромобилларни қувватлаш станцияларини қуриш йўл харитаси ишлаб чиқиш таъкидланган.

Бундан ташқари қарор билан электромобиллар учун импорт йиғимини бекор қилиняпти. Ҳозирги кунда имтиёзларга кўра электромобиль импортида божхона ва акциз тўловлари тўланмайди, фақатгина ҚҚС тўланади.

Маълумот учун, 2020 йилда

Каршейринг (carsharing) га рухсат бериляпти

Бу ҳам Вазирлар Маҳкамасининг 2020 йил 29 декабрдаги 812-сонли қарорига биноан амалга оширилади. 2021 йил 10 январдан ташкилотлар 30 кунгача автомобилларни фуқароларга ижарага беришлари мумкин.

Келаси 2 ой ичида ижарачи ҳуқуқбузарликни амалга оширганда у ва ижарага берувчи ўртасидаги муносабатларни тартибга солиш қоидалари ишлаб чиқилади. Бунда компанияларга нотариус тасдиғи ва ИИБда рўйхатдан ўтиш шарти бекор қилинади.

Каршейринг (carsharing) дунёда кенг тарқалган қисқа муддатли автомобиль ижараси туридир. Каршейрингни одатий авто ижарасидан фарқи шундаки, каршеринг автомобиль истальган муддатда (нафақат 1 кун, 12 соат, балки 1 соат, ярим соатга ҳам) ижарага олиниши мумкин. Автомобилларни ижараси, брон қилиниши ва қайтарилиши автоматлаштирилган тизим орқали ишлайди. Бунда автоижара нархига ёқилғи, суғурта, парковка нархлари ҳам қўшилган бўлади.