Honda автоматлаштиришнинг учинчи даражасига жавоб берадиган автомобилларни ишлаб чиқарувчи дунёдаги биринчи компанияга айланмоқда.
Автомобил инженерлари жамияти (Society of Automotive Engineers) автоматлаштириш тизимини 5 даражага бўлишади. Биринчисида авто бошқаруви тўлиқ ҳайдовчи томонидан амалга оширилади. Бешинчи даражада автомобилнинг бошқаруви ёмон об-ҳаво ва йўл ҳаракатининг мукаммал ҳолатларида ҳам сунъий интеллект воситалари орқали олиб борилади.
Honda компанияси “Traffic Jam Pilot” деб ном олган учинчи даражали автомобиллари учун махсус муссасалардан ҳафсизлик сертификатини қўлга киритди. Авто умумий йўлларда ҳайдовчининг аралашувисиз етарли узоқ вақт давомида ҳаракатлана олади. Аммо, кескин ҳолатлар ва об-ҳавонинг ёмонлашиши кузатилса, ҳайдовчи бошқарувни ўз қўлига олиши зарур бўлади.
Honda Legend нинг ушбу модели 2021-йилнинг март ойида автомобиль бозорларида намойиш этилади.”Traffic Jam Pilot” тизимли машиналарининг нархи тахминан 95 минг долларни ташкил қилади.
Энг машҳур электромобиллар ишлаб чиқарувчи Tesla маҳсулотлари фақат иккинчи даражали автопилот билан жиҳозланган. Тизим ҳайдовчидан рулни ушлаб туришни ва исталган вақтда бошқарувни қўлга олишга тайёр бўлишни талаб қилади.
Янгиликларни телеграмда ўқинг