Ўзбекистон автомиль бозорларига Chevrolet Tracker машинаси кириб келди.
Мазкур йилда Ўзбекистонга Tracker нинг 209 та автомобилидан иборат биринчи партияси кириб келди. Chevrolet Tracker автомобилининг ушбу моделини фақатгина Хитой ва Бразилияда харид қилиш мумкин эди.
Кўп ҳолларда General Motors нинг ўхшаш номли автомобилларини учратишимиз мумкин. Даст аввал, 1988 йилдан 2016 йилга қадар, Tracker Япония, Канада, AҚШ ва Aргентинада ишлаб чиқарилган мини-SUV ҳисобланарди. 2012 йилда компания Chevrolet Trax кроссоверини тақдим этди ва уни бозорларда Trackerноми билан сотишни бошлади.
2019 йилнинг июнь ойида General Motors ушбу ном остида яна бир моделни Бразилия ва Хитойда ишлаб чиқара бошлади. Айнан шу модел остидаги Tracker лар Ўзбекистонга етқазиб берилди. Автомобиль асосини GEM платформаси ташкил этади. Ўлчамлари 4270×1791×1602 мм бўлиб, ғилдираклар базаси эса 2570. Шина ўлчамлари 205/60 R16, 215/55 R17, магистрал ҳажми эса 393 литрни ташкил қилади.
Tracker 1.0 уч силиндрга эга(125 ҲП, 180 Н • м), 1,3 л (165 ҲП, 240 Н • м) бензинда ҳаракатланадиган, олтита диапазон DSS “робот” двигателлари билан жиҳозланган. Драйв фақат олд томонда.
Медиацентр Chevrolet MyLink саккиз дюймли дисплейга эга, Apple CarPlay и Android Auto медиаларни акс эттира олади. Симсиз қувват олиш имконияти мавжуд. Шунингдек, стандарт базага бошқа функциялар қаторида, олтита хавфсизлик ёстиғи ва ESP киради . Aвтоматик тормозланиш ва светодиод фаралари мавжуд.
Бундан ташқари, калитсиз очиш, тугмача билан моторни ишга тушириш, иқлим назорати, тезликни чекловчи “круиз” фунцияси, ёруғлик датчиклари ва ёмғир сенсорлари бор.
Chevrolet Tracker нархлари
Хитойда КПП механик Tracker нархи 15,300 долларни, ўртача LT комплектатсияси -19,600 долларни, топ комплектатсия эса 21,500 долларни ташкил этади. Аммо Бразилияда модел қимматроқ – 82 000 дан 113,600 реалгача бўлган нархларда (166 миллиондан 230 миллион сўмгача) сотилади.
14- декабрда Вазирлар Маҳкамасининг «Электрон турдаги суғурта хизматларини кўрсатиш тартибини такомиллаштириш бўйича қўшимча чора-тадбирлар тўғрисида»ги 780-сонли қарори қабул қилинди.
Қонунга мувофиқ, 2019 йилдан буён амал қилаётган Транспорт воситалари эгаларини мажбурий суғурта қилиш бўйича ягона ахборот тизими доирасида реализация қилиш белгиланган.
2021 йил 1 июлга қадар Молия вазирлигининг Суғурта тўловларини кафолатлаш жамғармасига ягона ахборот тизими доирасида электрон полисларни сотиш ва рўйхатдан ўтказиш бўйича ахборот модулларини суғурта компаниялари ҳамда манфаатдор вазирликлар ва идораларнинг маълумотлар базалари билан интеграциялашган ҳолда жорий қилиш топширилди.
Ҳужжатда Транспорт воситалари эгаларининг фуқаролик жавобгарлигини мажбурий суғурта қилиш бўйича электрон полисни сотиш, расмийлаштириш ва уларнинг ҳақиқийлигини текшириш қоидалари тасдиқланган:
мажбурий суғурта қилиш бўйича электрон полисни сотиш, ўзгартириш ва муддатидан олдин тўхтатиш тартиби;
суғурталанувчи ва суғурта ташкилотлари ўртасида электрон ахборот алмашинуви;
электрон турдаги мажбурий суғурта шартномаси тузилганлиги тўғрисида хабарнонома;
хабарнома мазмунига қўйиладиган талаблар.
Электрон полис қоғоз шаклидаги шартномага (полисга) тенглаштирилади ва бир йил муддатга расмийлаштирилади.
Суғурта ташкилотлари томонидан хорижий давлатларда рўйхатдан ўтказилган ҳамда Ўзбекистон ҳудудида вақтинча фойдаланилаётган транспорт воситалари эгалари билан электрон полисни расмийлаштиришга тақиқланади.
2021 йил 1-январдан бошлаб Ўзбекистон ҳудудида автомобилни яқинни ёритувчи чироқлар ёки кундузги сигнал чироқларисиз бошқарган ҳайдовчилар жаримага тортилишади.
2021 йил 1-январдан бошлаб барча ҳайдовчилар фараларини ёки кундузги чироқларини ёқиб ҳайдашлари керак бўлади. Ушбу талабни бажармаганлик учун БҲМнинг 50% миқдорида жарима қўлланилади (ҳозирда – 111 500 сўм). Такрорий қоидабузарлик учун жарима БҲМнинг бир бароварида (223000 сўм), учинчи маротаба такрорланган қоидабузарликлар учун БҲМнинг 3 баробарида (669000 сўм) жарима белгиланади.
Эслатиб ўтамиз, Ўзбекистонда 2019 йил 10-майдан бошлаб барча транспорт воситаларида кундузги фаралар, чироқлар ёки туман чироқларидан фойдаланиш бўйича мажбурий талаб жорий қилинган эди. Кейинчалик, 2019 йил июнь ойида ушбу шарт бекор қилинди.
Таҳлили натижалари шу кўрсатдики, йўл-транспорт ҳодисаларинининг 50% ҳайдовчиларнинг бошқа йўл ҳаракати қатнашчилари, пиёдаларни яқинлашиб келаётганини кўрмаганликлари сабабли содир бўлмоқда. Чорраҳаларда бу кўрсаткич 80% ташкил этади. Ёритилган чироқлар ёрдамида ҳаракатланаётган автомобиллар (айниқса, периферик кўриш зонасида) яхшироқ кўринади.
Бундан ташқари, 2020 йил 1 январдан бошлаб ички бозор учун ишлаб чиқарилган барча автоуловларга автоматик равишда ёқиладиган кундузги ёритиш мосламаларини ўрнатиш лозимдир.
Aвтоматик равишда ёқиладиган ёритиш мосламалари бўлмаган, чет элдан олиб келинаётган автомобилларнинг Ўзбекистон бозорига чиқарилиши тақиқланади.
Шуниндек, Депутат Расул Кушербаев ўз телеграм каналида Вазирлар Маҳкамасига ҳамда Ички ишлар вазирлигига ушбу тартибни бекор қилиш ҳақида сўров хати киритилганини ҳақида маълумот берди.
Норматив-ҳуқуқий ҳужжатларни муҳокама қилиш порталида Вазирлар Маҳкамасининг “Автотранспорт воситалари ойналарининг тусини ўзгартирганлик учун рухсатнома бериш бўйича давлат хизматини онлайн кўрсатишнинг маъмурий регламентини тасдиқлаш тўғрисида”ги қарори лойиҳаси эълон қилинди.
Унга кўра қуйидагилар таклиф этиляпти:
2021 йил 1 апрелдан бошлаб автотранспорт воситаларининг ойналарининг тусини ўзгартириш учун рухсатнома (тонировка) бериш бўйича давлат хизматини кўрсатиш фақат онлайн тарзда Ягона интерактив давлат хизматлари портали (ЯИДХП) орқали амалга оширилади;
ушбу рухсатнома ЯИДХП орқали расмийлаштирилганда, давлат божига 10 фоиз черигма билан тўланади.
Бунинг учун 2021 йил 1-апрелгача ИИВ ва АТКР вазирлиги томонидан рухсатнома бериш хизматини кўрсатиш жараёнининг тўлиқ автоматлаштириш назарда тутилган.
UzautoMotors АЖэҳтиёт қисмларни бўлиб тўлаш эвазига харид қилиш дастурини ишга туширганлиги ҳақида хабар берди.
Бунда истеъмолчи эҳтиёт қисмларни 15% бошланғич тўлов билан 1 ойдан 3 ойгача бўлиб тўлаш орқали сотиб олиши мумкин бўлади. Маҳсулотларни қуйидаги сумма харидлари учун бўлиб тўлаш имкони мавжуд:
Шунингдек, эҳтиёт қисмларини сотиб олиш учун банк кафолати талаб қилинади. Ўзбекистон Республикасида ишлаб чиқарилмаган эҳтиёт қисмлар дастурида иштирок этиш учун харидор Uzauto Motors АЖ нинг расмий диллери бўлиши керак бўлади.
Вакансия: АО “Узавтосаноат” компанияси савдо агенти Маош: келишилади Талаблар:
Маълумоти: бакалавр/Коллеж дипломи;
Кўникмалар: автомобилсозлик Бизнес Мижозларга хизмат кўрсатиш;
Қобилияти: керакли билимлари тезкорлик билан ўргана олиш қобилияти. Мижозлар ва компания ходимлари билан самарали мулоқот қилиш қобилияти.Керакли маълумотларни етказа билиш қобилияти. Муаммоларни ҳал қила олиш қобилияти. Ростгўйлик ва хаққонийлик.
Ўзбекистон Республикаси Нотариал палатаси томонидан автотранспорт воситасини олиб-сотиш, айирбошлаш ва хадя этиш жараёни қандай кечиси тўғрисида тўлиқроқ билиб оламиз.
Автотранспорт воситасини олди-сотди, айирбошлаш ва ҳадя шартномаси учун тақдим этиладиган ҳужжатлар:
Тарафлар шахсини тасдиқловчи ҳужжатлар асли (паспорт ёки унинг ўрнини босувчи ҳужжатлар);
Транспорт воситасини қайд этиш гувоҳномаси;
Агарда умумий мулкни ташкил этса, барча мулкдорларнинг (эр-хотиннинг, улушдорларнинг, меросхўрларнинг) розилиги (никоҳ гувоҳномаси);
Транспорт воситаси гаровга қўйилган бўлса, гаровга олувчининг розилиги;
Агар васийликдаги шахс номидан расмийлаштирилса, васийлик ва ҳомийлик органининг розилиги;
Агар мулк меросга тегишли бўлса, мерос гувоҳномасининг асл нусҳаси (нусҳа олиниб, асли қайтарилиб берилади);
Агар автотранспорт воситаси кредит маблағлари ҳисобига олинаётган бўлса, кредит шартномасининг нусҳаси;
Агарда битим яқин қариндошлар ўртасида тузилаётган бўлса, унда қариндошлигини тасдиқловчи ҳужжатлар, туғилганлик, никоҳ қайд этилганлиги ёки никоҳ бекор қилинганлиги ҳақида гувоҳномалар;
Тракторлар, трактор тиркамалари, ўзиюрар йўл қурилиш машиналари учун Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш Испекцияси “Агросаноат мажмуида хизматлар кўрсатиш маркази” Давлат Унитар корхонаси томонидан берилган шаклдаги маълумотнома;
Юридик шахслар учун қўшимча равишда:
Ваколатли органининг ҳужжати (қарор, умумий мажлис байённомаси, кузатув кенгашининг қарори, буйруқ ваҳоказо);
Кузатув кенгашининг қарори тақдим этилган тақдирда автомототранспорт воситасининг қолдиқ баланс қиймати ҳақида юридик шахс раҳбари ва бош ҳисобчисининг имзоси қўйилган маълумотнома, ҳамда юридик шахснинг соф активлари ҳақида маълумот;
Вакилнинг ваколатларини тасдиқловчи ҳужжатлар (ишончнома, қарор ёки буйруқ);
2020 йил 7 декабрь куни Президент Шавкат Мирзиёев ПҚ–4913-сонли йўл ҳаракати қоидалари бузилганлигини қайд этувчи махсус автоматлаштирилган воситалар ўрнатилишини ташкил этишни хусусий секторга беришни назарда тутган қарорни имзолади.
Қарорга кўра, йўл ҳаракати хавфсизлигини таъминлаш соҳасида 2021 йил 1 мартдан хусусий сектор вакилларига йўлларида ЙҲҚларини бузилганлигини қайд этувчи махсус автоматлаштирилган фото ва видео дастурий-техник воситалари (радарлар, камералар) ўрнатишни ташкил этиш ҳуқуқи берилади.
Йўллар тадбиркорларга электрон аукцион савдолари орқали сотувга кўйиш орқали берилади. Бунда тадбиркорга сотиб олинган йўл участкаси чекланмаган муддатга ва бошқа тадбиркорга ўтказиш ҳуқуқи билан берилади.
Бундан ташқари қарор билан 2021 йил 1 апрелдан ҳайдовчиларини тайёрлаш автомактабларига барча тоифадаги автотранспортларни бошқариш учун (троллейбус ва трамвайдан ташқари) ҳайдовчилик гувоҳномасини олиш учун назарий ва амалий имтиҳонлар ўтказиш ҳуқуқи қуйидаги шартлар асосида берилади:
баҳолаш тўлиқ автоматлаштирилган ҳолда амалга оширилиши керак
имтиҳон ДЙҲ хавфсизлиги хизмати вакилининг бевосита ёки онлайн назорати остида бўлиши керак
Тошкентда совуқ об-ҳаво туфайли газ таъминотида юкламалар кўпайиши кузатиляпти. Шу муносабат билан, метан ёнилғиси сотуви 7 декабрдан бошлаб фақат эрталаб соат 5:00 дан 17:00 гача рухсат этиляпти. Чекловлар об-ҳаво ва газ тизимидаги юклама нормаллашувига қадар ўрнатилди.
Бу ҳақида “Худудгазтаъминот” ёқилғи қуйиш шахобчалари эгаларини огоҳлантирди. Қарор Тошкент шаҳар ҳокимлиги томонидан Шайхонтохур, Чилонзор, Учтепа туманлари, 3, 5, 9, 10 иссиқлик марказлари каби ижтимоий объектларда керакли газ босимини таъминлаш мақсадида қабул килинганлиги айтиляпти. Шаҳардаги барча 54 газ шахобчаларига 17:00 дан эрталаб 5:00 гача иш фаолияти тўхтатилиши айтилган.