Oy: Yanvar 2021

“UzAuto Motors”нинг Асака филиалида янги цех ишга туширилди

“UzAuto Motors”компаняси матбуот хизматининг хабар беришича, Асака филиали заводида янги сварка цехи ишга туширилди. Цехнинг умумий майдони 7628 кв.метрни ташкил этади.

Маълум бўлишича, юқори технологик иншоотнинг қурилишида фақатгина маҳаллий мутахассислар жалб қилинди. Режаларни хорижий экспетларнинг ёрдамисиз амалга ошириш тахминан 1 миллион долларни тежашга имкон яратди.

Янги сехнинг ишлаб чиқариш қуввати 14 та JPH ни ташкил этади. Ушбу кўрсатгич ёрдамида йилига қўшимча 60 минг дона автомобил ишлаб чиқариш мумкин бўлади.

Объектнинг асосий мақсадларидан бири ишлаб чиқариш самарадорлигини оширишдир. Эндиликда янги автомобил моделларини жорий этиш жараёни ишлаб чиқариш жараёнининг узлуксизлигига таъсир кўрсатмайди. Бу ўз навбатида ишлаб чиқариш ҳажмини кўпайтиришга ўз ҳиссасини қўшади.

Цехнинг яна бир қулай томонларидан бири шундачи у автоматик чироқлар ва шамоллатиш тизимини қувват билан таъминлаш учун қуёш панеллари таъминланди.

14 та компаниядаги «Узавтосаноат»улуши сотувга қўйилмоқда

Volkswagen ва Skoda дилерликка таклиф қилаяпти

Янги Tracker автомобилларининг нархи билан танишинг

Volkswagen ва Skoda дилерликка таклиф қилаяпти

“Jizzax Auto” МЧЖ Ўзбекистоннинг ички бозорида Германия ва Чехия автомобиллари Volkswagen ва Škoda брендларини илгари суриш ва техник хизмат кўрсатиш учун расмий дилерларни ҳамкорликка таклиф этади.

Дилер бўлиш учун ушбу турдаги фаолиятнинг қуйидаги хусусиятларини ҳисобга олиш лозим:

• Савдо залида шоурум мавжудлиги. Савдо залининг минимал майдони Volkswagen маркаси учун 491 m2 ва Škoda маркаси учун 411 m2 бўлиши лозим.

• Хизмат кўрсатиш зонасининг мавжудлиги. Хизмат кўрсатиш зонасининг минимал майдони Volkswagen маркаси учун 884 m2, Škoda маркаси учун 524 m2 бўлиши керак.

• Брендбукдан фойдаланиш. Логотип, устун, плиткалар, мебел ва автосалоннинг бошқа маркали дизайн элементларидан фойдаланиш.

• Кадрларни пухта ўқитиш ва тайёрлаш зарурияти.

• Сервисни таклиф эта олиш. Сотиб олинган автомобилларга юқори сифатли сервис ва кафолат хизматини кўрсатиш.

• Сотувдан сўнг, мижозларга таъмирлаш, режали ва режадан ташқари техник кўрикларни ўз вақтида таъминлаш имконияти.

2021 йил охирига қадар Ўзбекистоннинг қуйидаги вилоятларида Volkswagen ва Škoda брендлари учун 14 та дилерлик марказини очиш режалаштирилмоқда.

Жиззах, Хоразм, Самарқанд, Навои, Қашқадарьё, Андижон, Наманган, Бухоро, Тошкент, Сурхандарьё вилоятлари ва Қорақалпоғистон Республикасида дилерлик марказилари фаолияти йўлга қўйилади.

Кўпроқ маълумотни +99871 202-44-40 (7787) рақами ёки почта орқали олишингиз мумкин.

Янги Tracker автомобилларининг нархи билан танишинг

Ўзбекистонда АИ-95 бензинини ишлаб чиқариш бошланди

Шахобчалардаги газни ҳисобга олиш автоматлаштирилади

Энергетика Вазирлиги автомобилларга газ тўлдириш компрессор шохобчалари қуйиш шохобчаларида газни ҳисобга олишни автоматлаштириши ҳақида хабар берди.

Мамлакатда фаолият юритаётган 1070 дан ортиқ автомобилларга газ ёқилғиси қуйиш шохобчалари текширилганда, ўлчаш мосламалари кўрсатгичлари ўзгартириб қўйилаётганлиги аниқланди. Ушбу йўл билан шахобча эгалари АГТКШ (АГНКС) станцияларидаги нархларни вақтинча пасайтириш орқали мижозларни жалб қилишга эришишга ҳаракат қилишади. Бу транспорт воситаларининг эгаларини ҳақиқий нархлардан чалғитади ва истеъмолчиларни норозилигига олиб келади.

Яна бир муаммо ёқилғи қуйиш шохобчалари яқинидаги турар-жой биноларида газ босимининг пасайиши эди. Шунингдек, янги тизим газ тақсимотини мувозанатлаштириб, ушбу камчиликларни бартараф этади. Бунга сабаб CНГ ёқилғи қуйиш шохобчалари томонидан транспорт воситаларига сотиладиган газ ҳажмининг онлайн мониторинги жорий этади.

Мутахассислар фикрига кўра янги тизимнинг жорий этилиши Энергетика вазирлигига газ оқимларини онлайн тарзда бошқариш, Давлат солиқ қўмитаси эса маҳсулот сотиш шаффофлигини ҳисобга олиш имконини беради.

Ўзбекистонда АИ-95 бензинини ишлаб чиқариш бошланди

Ҳайдовчиларга нисбатан қўлланилаётган маъмурий жавобгарлик енгиллаштирилиши мумкин

Янги Tracker автомобилларининг нархи билан танишинг

 «Узавтосаноат» матбуот хизматининг хавбар беришича, Ўзбекистонда 25-январдан Tracker автомобилининг янги моделлари сотувга қўйилди.

Модел ўзида панорамик люк, диодли фаралар, 8 дюйм сенсорли экран ва бошқа устунликларни мужассам этади. Шунининг қуйидаги хусусиятларга эга:

  • уч силиндрли ЕCОТЕC турбомотор;
  • умумий ёқилғи сарфи 5,5 л / 100 км, қуввати 123 л / с;
  • 6 поғонали автомат узатмалар қутиси;
  • Ёқилғи тежаш тизимини такомиллаштиришга мўлжалланган «СТОП-СТАРТ» тизими ва бошқалар.

Асосий комплектацили Tracker нархлари : 166 899 500 сўмдан бошланса, LT комплектация 221 999 999 сўмни ташкил этади.

Эслатиб ўтамиз, декабрь ойида Хитойдан 209 та автомобилдан иборат Chevrolet Tracker жўнатилган бўлса, апрель ойида 216 та Chevrolet Equinox автоуловлари Ўзбекистон бозорларига сотувга чиқарилганлигининг гувоҳи бўлган эдик.

UzAuto “Tracker” ва “Malibu” автомобилларини бўлиб тўлашга таклиф қилмоқда

Автосалонлардаги нархлар билан танишинг

Тошкентдан вилоятларга қатновчи автобус чипталарининг нархи оширилди

Транспорт вазирлиги Ахборот хизматининг хабарига кўра Тошкент вилоятидан амалга ошираладиган автобус чипталари нархи қуйидаги кўринишда оширилди.

Вилатлараро йўналишларЖўнаб кетиш вақти Чипталар нархи
Тошкент – Зарафшон6:4080 000 сўм
Тошкент – Жўш – Нурота7:4065 000 сўм
Тошкент – Хатирчи8:0050 000 сўм
Тошкент – Навоий8:3056 000 сўм
Тошкент – Бухоро9:3075 000 сўм
Тошкент – Хатирчи10:0050 000 сўм
Тошкент – Зарафшон11:2080 000 сўм
Тошкент – Қоракўл12:0080 000 сўм
Тошкент – Фориш12:3036 000 сўм
Тошкент – Қарши12:3059 000 сўм
Тошкент – Бухоро13:3075 000 сўм
Тошкент – Ўсмат14:0034 000 сўм
Тошкент – Самарқанд14:3038 000 сўм
Тошкент – Урганч15:00125 000 сўм
Тошкент – Зомин16:0026 000 сўм
Тошкент – Узун16:30108 000 сўм
Тошкент – Денов17:0094 000 сўм
Тошкент – Бухоро18:0075 000 сўм
Тошкент – Термиз18:0085 000 сўм
Тошкент – Денов18:3094 000 сўм
Тошкент – Хива18:30125 000 сўм
Тошкент – Термиз19:00 85 000 сўм

Радар жаримасида +5 қоидаси нима?

Автожарималар қанчага камайтирилади?

Радар жаримасида +5 қоидаси нима?

Ҳайдовчиларнинг белгиланган ҳаракат тезлигини ошириб юбориши натижасида қўлланилладиган жарималарга “+5 км/соат” қоидаси билан яқиндан танишамиз.

Маъмурий жавобгарлик тўғрисидаги кодекснинг 128-3-моддасида ҳайдовчиларнинг ҳаракат тезлигини белгиланган меъёридан ошириб юборгани учун, оширилган ҳаракат тезлигига қараб, қуйидаги маъмурий жазо қўлланилади:

  • тезлик белгиланганидан соатига 20 километрдан кўп бўлмаган катталикда ошириб юборилганда –БҲМнинг бир баравари, яъни 223 000 сўм миқдорида;
  • соатига 20 километрдан ортиқ, лекин 40 километрдан кўп бўлмаган катталикда ошириб юборилганда беш баравари, 1 115 000 сўм миқдорида;
  • соатига 40 километрдан ошириб юборилганда тўққиз баравари, яъни 2 007 000 сўм миқдорда жарима солишга сабаб бўлади.

Аммо “Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисида”ги йўриқноманинг 8-бандида ушбу қоидабузарлик спидометр кўрсаткичлари йўл қўйиши мумкин бўлган жами нуқсонлар инобатга олинади. жамланган ҳолда ҳисобга олиниши керак. Бундай тезликни ўлчайдиган ускуна рухсат этилган тезликдан соатига 5 километрдан ошиқ бўлган ҳолатларда маъмурий баённома тузилади. Яъни, техник нуқсонлар ҳайдовчи фойдасига ҳал қилинган ҳолда шартли равишда қонунчиликда +5 км/соат бирлик белгилаб қўйилган.

Хозир амал қилаётган қонунларга кўра «50» белгиси турган жойдан ҳайдовчи 71 км/соат тезликда ҳаракатлансагина БҲМнинг 5 баробар миқдоридаги жарима қўлланилади. Бироқ +5 км/соат қонинига биноан  5 км/соатгача белгиланган тезликни оширишга рухсат бор. Лекин у ЙПХ ходимлари томонидан фақат 1 «минималка» жарима солинишига сабаб бўладиган ҳоллардагина инобатга олинмоқда.

Шундай қилиб, 70 км/соат тезликдан оширганлик учун 5 баравар жарима 96 км/соат тезликдан бошлаб, 9 баравар белгиланадиган жарима эса 116 км/соат тезликдан бошлаб расмийлаштирилиши керак.

«+5 км/соат» қоидасига риоя этилмаган ҳолда расмийлаштирилган баённома ДЙҲХХнинг маъмурий амалиёт инспектори томонидан қабул қилинмайди.

Автожарималар қанчага камайтирилади?

Гаи тўхтатганда қандай ҳуқуқларингиз бор?

Автожарималар қанчага камайтирилади?

Ҳавдовчиларга нисбатан қўлланиладиган маъмурий жавобгирликларни енгиллаштириш муносабати билан “Маъмурий жавобгарлик тўғрисида”ги кодексга ўзгартиришлар киритиш лойиҳаси кўриб чиқилди.

Ҳаммага маълумки, тўхташ ёки тўхтаб туриш қоидаларини бузилиши натижасида транспорт воситалари ҳайдовчилари (1286-модда) БҲМнинг икки баравари миқдорида жарима солинади. Янги лойиҳага кўра ҳуқуқбузарликни ортиб бориши билан жарима миқдорларининг ҳам ортиб бориши бекор қилинмоқда.

Транспорт воситаларидан ахлат ёки бошқа нарсаларни ташлаб юбориш (123-модда) БҲМнинг бешдан бир қисмидан бир бараваригача белгиланган эди. Лойиҳада ушбу жарима БҲМнинг бешдан бир қисми миқдорида ўзгартирилди.

Йўл-транспорт ҳодисаси юз берган жойдан кетиб қолган (137-модда) ҳайдовчилар БҲМнинг уч баравари миқдорида жаримага тортилади.

Ҳайдовчиларга нисбатан қўлланилаётган маъмурий жавобгарлик енгиллаштирилиши мумкин

Шунингдек, ЙТҲнинг оғир ёки енгил даражасига қараб жарималар ҳам аниқлаштирилмоқд:

Йўл транспорт ходисаси туфайли жабрланувчи енгил тан жарохати ёки анча миқдорда моддий зарар кўрса, воқеа содир этиган жойдан кетиб қолган ҳайдовчилар:

  • БҲМнинг ўн беш баравари миқдорида жаримага солинади
  • Ҳайдовчилик гувоҳномасидан бир йил муддатга маҳрум этилади.

Йўл транспорт ходисаси туфайли ушбу модданинг иккинчи қисмида назарда тутилган оқибатларга нисбатан:

  • Базавий ҳисоблаш миқдорининг ўттиз баравари миқдорида жарима;
  • Ҳайдовчилик гувоҳномасидан икки йил муддатга маҳрум қилиш жазолари қўлланилади. Амалдаги ўн беш сутка муддатга маъмурий қамоққа олишга жазоси бекор қилинди.

Транспорт воситаларидан шахсий бойлик орттириш мақсадида фойдаланишга (141-модда) қўлланиладиган амалдаги БҲМнинг икки бараваридан беш бараваригача миқдоригача бўлган жарима икки бараваригача енгиллаштирилди. 

Янги лойиҳага кўра йўлларга, йўл иншоотларига, йўл ҳаракатини тартибга солиб турувчи техник воситаларга шикаст етказиш, уларни сақлаш қоидаларини бузган (147-модда) фуқаролар базавий ҳисоблаш миқдорининг бир баравари миқдорида, мансабдор шахсларга эса ўн баравари миқдорида жаримага солинади.

Шунингдек, қонун лойиҳасига кўра, эпидемияга қарши кураш қоидалари бузганлик (54-модда) учун базавий ҳисоблаш миқдорининг:

  • фуқаролардан йигирма баравари
  • мансабдор шахслардан ўттиз баравари миқдорида жарима ундирилади. 

Гаи тўхтатганда қандай ҳуқуқларингиз бор?

Гаи тўхтатганда қандай ҳуқуқларингиз бор?

ГАИ ходимлари ҳайдовчилардан нималарни талаб қила олади? Ҳайдовчилар қандай ҳуқуқларга эга? ГАИ ходимларида қандай ҳужжатлар тўплами бўлиши зарур?

Вазирлар Маҳкамасининг 2018 йил 1 декабрдаги 975-сон қароридаги иловаси “Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиши тартиби тўғрисида”ги низомига биноан:

Ҳайдовчилар «ГАИ» ходимларидан:

  • ҳудудга бириктирилганлик тўғрисдаги дислокация;
  • махсус тадбир вақтида тўхтилган ҳайдовчилар тадбир ўтқазилаётганлиги тасдиқловчи бирор-бир ҳужжат ёки қўнғироқ орқали тасдиқлашни талаб қилишлари мумкин.

Қуйидаги ҳолларда «ГАИ» сизни машинадан тушишини талаб қилиши мумкин:

  • техник носозликни ёки юк ташиш қоидаси бузилганлигини бартараф этишда;
  • ҳайдовчи маст бўлса;
  • рақамлар (двигател ва агрегат) билан боғлиқ муаммоларда;
  • юк ҳужжатларини текшириш учун;
  • жиноят содир этишда гумонланса;
  • ҳайдовчининг руҳий ҳолатига, ёшига, сезгирлик ва эътиборни сусайтирадиган дори воситалари таъсирида, йўл ҳаракати хавфсизлигига таҳдид соладиган даражадаги чарчоқлик ва бетоблик ҳолатида, транспорт воситасини бошқара олишига шубҳа бўлганда.

«ГАИ» ходимларидан талаб этилади:

  • ўзини таништириш, лавозими, унвони, фамилияси ҳақида маълумот бериш, шунингдек хизмат гувоҳномасини очиқ ҳолда (бунда ЙПХ ходими томонидан хизмат гувоҳномасини йўл қатнашчиси ихтиёрига бериш тақиқланади) кўрсатиш;
  • мобил видео камерадан фойдаланаётганини ҳайдовчига маълум қилиш, кейинчалик ундан фойдаланиши мумкинлиги ҳақида огоҳлантириш;
  • тўхтатиш сабабини аниқ тушунтириш;
  • тезликни оширган шахсга мосламани ва қиёслаш сертификатини кўрсатиш ва бошқа ҳуқуқлар.

Хусусий радарлар жойлашадиган йўл участкалари аукционда сотилади

Ҳайдовчиларга нисбатан қўлланилаётган маъмурий жавобгарлик енгиллаштирилтши мумкин

Ўзбекистонда АИ-95 бензинини ишлаб чиқариш бошланди

Бухоро вилоятида “QuWatt” бренди остида АИ-95 русумидаги бензин ишлаб чиқариш йўлга қўйилмоқда.

Сўнгги йилларда Ўзбекистон ҳудудидаги нефтни қайта ишлаш заводларида ишлаб чиқаришни диверсификация қилиш ва маҳсулотлар сифатини яхшилаш мақсадида қатор ишлар амалга оширилди. Хусусан, “Ўзбекнефтгаз” АЖ истеъмолчиларни сифатли нефть маҳсулотларига бўлган эҳтиёжини қондириш йўлида ўз тизимини мукаммаллаштирди.

Шунингдек, “Ўзбекнефтгаз”нинг нефт маҳсулотларига нисбатан рақобатбардошларни яратиш мақсадида “Бухоро” нефтни қайта ишлаш заводида автобензин ва дизель ёнилғиларини ишлаб чиқариш бўйича чора-тадбирлар кўрилди. Заводда Германиянинг “BASF SЕ” компанияси билан ҳамкорликда “QuWatt” брендли АИ-95 русумидаги автобензин ишлаб чиқариш йўлга қўйилди.

2021 йилнинг илк ойида 480 тонна “QuWatt” брендли АИ-95 автобензини хомашё биржасида сотувга қўйилади.

Ушбу автобензини афзалликлари қуйидагилардан иборат:

  • двигателларда тозаликни сақлаш имконини беради;
  • клапанлардаги ҳосил бўладиган қатлам миқдори 4 мг/клапан қийматидан ошмаслиги таъминланади;
  • двигатель клапанларини 80% гача тозалаш имконини беради;
  • автомобиль двигатели қуввати оширилганлиги туфайли ёқилғи 3% гача тежалади;
  • қиш мавсумида двигателнинг узлуксиз ишлашини таъминланади;
  • двигатель ёнилғиси тизими, бензин ташиш ва сақлаш жараёнларидаги коррозия олдини олинади.

Хусусий радарлар жойлашадиган йўл участкалари аукционда сотилади

14 та компаниядаги «Узавтосаноат»улуши сотувга қўйилмоқда

Хусусий радарлар жойлашадиган йўл участкалари аукционда сотилади

Йўл ҳаракати қоидаларини назорат қилиш камералари жойлашув участкалари ким-ошди савдосига қўйиш орқали тадбиркорларга сотилади.

Йўл ҳаракати қоидаларини бузганлигини қайд қилувчи свето-фото камералари ўрнатилган жойлар онлайн ауксионларда сотувга қўйилади. Хабар беришларича, бу йўл орқали давлат хизматларини монополиялаштиришдан қочиш ва давлатнинг иқтисодиётдаги иштирокини камайтириш кўзда тутилмоқда.

Е-IJRO AUKSION веб-сайтида сотиладиган пунктларни нашр этиш вазифаси билан Ички ишлар вазирлиги ва Авто йўллар қўмитаси шуғулланади. У ерда камералар жойлашуви, ушбу ҳудудлардаги транспорт оқимлари ва сўнгги икки йил ичида аниқланган йўл ҳаракати қоидаларининг бузилиши ҳолатлари тўғрисидаги маълумотлар жойлаштирилади.

“Хусусий сектор ва бизнесларга сармоя киритиш ва уни ривожлантиришга имконият берилади”, – деди Aдлия вазирлиги Ҳуқуқий ва сиёсий тадқиқотлар институти бўлим бошлиғи Назарали Норбойев камераларни хусусий шахсларга ўтказиб бериш тўғрисида.

Эслатиб ўтамиз, октябр ойи охирида пойтахт ҳокимлигида матбуот анжумани бўлиб ўтди, унда Тошкентдаги битта камера мажмуаси ойига ўртача 300 миллион сўм ишлаб топиши маълум бўлди.

Радар ўрнатиш ва ҳайдовчилик гувоҳномасини бериш хусусийлаштирилади