Электромобилларни қачон харид қилиш мумкин бўлди?

Ўзбекистон Республикаси Вазирлар Маҳкамасининг 29 декабрдаги қароридан келиб чиқган ҳолда 2021 йилда «Ўзавтосаноат» 2025 йилга қадар электр транспорт воситаларини ишлаб чиқариш концепциясини тузди. Компания келажакда фақат электр транспорт воситаларини ишлаб чиқаришга ўтказишни режалаштирмоқда.

Шу билан бирга 2020 йил декабридан бошлаб Ўзбекистон ҳукумати мамлакат ичкарисида электр транспорт воситаларини сотиб олиш ва уларни вақтинча олиб кириш учун олинадиган тўловни бекор қилди. 1 январдан бошлаб эса электр транспорт воситаларини Ўзбекистонга олиб кириш учун божхона тўлови ҳам бекор қилинди.

2025 йилга қадар Ўзбекистонда электр транспорт воситаларини ишлаб чиқариш йўлга қўйилиши мумкин,-деди ўз интервьюсида “Ўзавтосаноат” нинг “Стратегик режалаштириш, таҳлил қилиш ва ривожлантириш” бўлими бошлиғи Рустам Қодиров. У ўз сўзида электр транспорт воситалари ишлаб чиқариш концепцияси ишлари битганидан сўнг, тахминан 2025 йилга қадар бу автомобиллар ишлаб чиқарила бошлайди.

«Агар дунёда ҳар йили 100 миллион автомобиль сотилса, у ҳолда электр транспорт воситаларининг улуши 2 фоизни ташкил қилади. Тесла машинасини ҳамма яхши кўради. Унинг нархи 35 минг долларни ташкил этади (АҚШдаги энг арзон Тесла Модель 3 нинг чакана нархи, Ўзбекистонда унинг нархи икки баравардан кўпроқ туради – таҳр.). Аммо, Ўзбекистонда ҳам 35 минг доллорга машина сотиб оладиганлар кам эмас. Бугунги кунда савдоларимизнинг 80 фоизини 11 минг доллардан кам бўлган автомобиллар ташкил этмоқда ”, – дейди Рустам Қодиров.

Аммо аввал электромобилларни зарядлаш учун зарур инфратузилмани яратиш керак. 2021 йилда Тошкентда электр транспорт воситалари учун иккита қувват олиш станцияси қурилди, аммо уларнинг очилиши ҳақидаги маълумотлар расмий манбаларда ҳали эълон қилинмади.

Шу билан бирга Ўзбекистонда электр транспорт воситаларини ишлаб чиқариш бўйича бошқа лойиҳалар ҳам кўриб чиқилмоқда.

Жанубий Кореянинг Ҳюндаи автомобиль концерни Қўқонда йилига 10 мингтагача электр транспорт воситаларини ишлаб чиқаришни режалаштирган. Аммо 2018 йилда лойиҳа шартномаси имзоланганидан бери ишлаб чиқаришни йўлга қўйиш тўғрисида ҳеч қандай маълумот олинмади.

Қўқон эркин иқтисодий зонасида йилига 10 мингта электр транспорт воситасини ишлаб чиқариш қувватига эга завод қурилиши лойиҳа бўйича 2021 йилда бошланиши керак. Лойиҳанинг қиймати 300 миллион долларни ташкил этади, биринчи электр транспорт воситасини ишлаб чиқариш 2023 йилга қадар кутилмоқда. Аммо ҳозирча лойиҳанинг ҳолати номаълум.

Жанубий Кореянинг Роопер теиком Со. Лтд ҳам Ўзбекистонда электр транспорт воситалари ишлаб чиқаришни режалаштирган.

Бу ҳақда 2018 йил сентябрь ойида компания директори Сунг Ин Сонг Андижон вилояти маъмурияти раҳбари билан учрашувда маълум қилди.

“Биз ва шерикларимиз ушбу лойиҳага 2 миллион доллар сармоя ётқизишга келишиб олдик. Келгуси йил охирига қадар электромобиллар ишлаб чиқаришни йўлга қўйишни режалаштирмоқдамиз”, деди у.

«Ўзбекэнерго» компанияси ҳам электр транспорт воситалари учун зарур инфратузилмани яратиш масалаларини муҳокама қилмоқда.

Шу билан бирга , Тошкентдаги Турин политехника университети Ўзбекистондаги биринчи ўзини ўзи бошқарадиган автомобиль лойиҳаси устида ишламоқда. Ушбу ташаббус «Ўзавтопром» томонидан Россиянинг икки шериги билан биргаликда молиялаштирилади.

Февраль ойида моделлари УзАуто Моторс томонидан ишлаб чиқарилган ва сотилган Американинг Генерал Моторс компанияси 2025 йил охирига келиб АҚШда ГМ томонидан сотиладиган автомобилларнинг 40% и электр энергияси билан таъминланишини айтди.

2035 йилга келиб, Генерал Моторс бензинли транспорт воситаларини ўз таркибидан бутунлай чиқариб ташламоқчи.

Ўтган йили, Давлат статистика қўмитаси маълумотларига кўра, Ўзбекистонга 131 та электр транспорт воситаси (қиймати 2,9 миллион АҚШ доллари) импорт қилинган, бу 2018 йилга нисбатан 10 баравар кўп (13) ва 2019 йилга нисбатан 39 баравар (39) кўп.

2020 йилда электр транспорт воситаларининг аксарияти Хитойдан – 92 та, Жанубий Кореядан – 13 та импорт қилинган. Шунингдек, АҚШ ва Грузиядан – 7 тадан, Германиядан – 5 та ва бошқа мамлакатлардан – 7 та импорт қилинган.

Uzauto Motors янгиликлари

UzAuto Motors мартдан шартномалар тузишни бошлайди

Йўлнинг носозлиги сабаб ЙТҲ содир бўлса, зарарни ким қоплайди?

Транспорт вазирлиги инспекторларнинг қандай ваколатга эгалиги ва йўл носозлиги ЙТҲларга сабаб бўлганда кўриладиган чоралар ҳақида маълумот берди.

Автомобил ташувларини назорат қилиш бошқармаси инспекторлари қуйидагиларни назорат қилиш ҳуқуқига эга:

  • йўловчилар ва юклар ташувчи автотранспорт воситаларида лицензия карточкалари мавжудлигини;
  • автомобилларда ташувларни амалга ошириш шартларига риоя этилишини;
  • ҳайдовчиларнинг меҳнат ва дам олиш режимига риоя этишини назорат қилишини.

Текширувлар йўловчилар тўпланадиган, юклар ортиб, тушириладиган йирик пунктларда: темир йўл вокзаллари ва станцияларида, дарё портларида, бозорларда, метрополитеннинг охирги станцияларида, автовокзалларда, автобус йўналишларининг оралиқ ва охирги тўхташ бекатларида ҳамда ИИВ Давлат йўл ҳаракати хавфсизлиги хизматининг стационар постларида амалга оширилади.

Назоратни амалга оширишда инспекторлар қуйидаги риоя этиши лозим:

  • ҳайдовчига ўзини ва лавозимини таништириши, ҳайдовчининг талабига кўра хизмат гувоҳномасини кўрсатиши;
  • ҳайдовчиларга уларнинг ҳуқуқларини тушунтириши;
  • шахснинг ҳуқуқ ва қонуний манфаатларига қатъий риоя қилиши, ўз хизмат вазифасини аниқ бажариши, ҳайдовчига нисбатан маданиятли муомалада бўлиши.

Йўлнинг носозлиги сабаб ЙТҲ содир бўлганда ким жавобгар бўлади?

Бундай ҳолатларда ҳайдовчи Транспорт вазирлиги ҳузуридаги Автомобил йўлларини назорат қилиш инспекциясига мурожаат қилиши мумкин. Ушбу жараёнда инспекция томонидан ҳодиса ўрганилади ва керакли хулосалар судга берилади. Агар ЙТҲ содир йў носозлиги туфайли содир бўлса, зарар йўл тегишли бўлган ташкилот балансидан қопланади.

Uzauto Motors янгиликлари билан қуйидаги манба орқали танишинг

Ҳайдовчилик гувоҳномаси имтихони хусисий секторга берилади

Uzauto Motors янгиликлари

2021 йил 2 мартда “Uzauto Motors” компаниясининг ОАВ вакиллари учун ташкил этган пресс-турнинг илк куни бўлиб ўтди.

Унда аввалроқ тўхтаб қолган янги Spark, Nexia, Cobalt ва Lacetti автомобиллари учун шартномалар бериш 2021 йилдан 3 мартдан қайта бошланиши айтилди. UzAutoMotors кунига 1000 донадан автомобил ишлаб чиқаришни яна қайта йўлга қўйди.

Бундан ташқари “Uzauto Motors” янги моделларни намойиш этди. Улардан бири 6 ойдан сўнг харидда мавжуд бўладиган Lacetti Red Line. Унинг тахминий нархи 138 млн. ташкил этади ва махсус буюртма асосида тайёрланиши айтилди.

https://avtobiznes.uz/wp-content/uploads/2021/03/IMG_5023-4.mp4
Lacetti Red Line

Шунингдек, Chevrolet ONIX модели ҳам намойиш этилиб, у 9 000 дан 12 000 долларгача нархда бўлиши айтилмоқда. У Матиз ўрнида ишлаб чиқарилиши мўлжалланган экан.

https://avtobiznes.uz/wp-content/uploads/2021/03/IMG_5022-1.mp4
Chevrolet Onix

Тадбирда “Uzauto Motors” автомобилларини етказиб бериш муддати 1-2 ойга узайтирилганлиги ҳақида хабар берилди. Бунга сабаб дунё бўйлаб микросхема ишлаб чиқаришда қўлланиладиган ярим ўтказгичлар (полупроводник) танқислиги бўлди. Автомобиллар аввалгидек йиғилиб борилмоқда, бироқ якуний жараён давомийлиги смехаларнинг ўз вақтида етказиб берилишига боғлиқ бўлиб қолди. Ҳозирда заводлар микросхема билан ҳаво йўли орқали таъминланмоқда. “Uzauto Motors” вакилларининг сўзларига кўра бу муаммо 2021 йилнинг иккинчи ярмида бартараф этиб борилиши таъкидланди. Янги шартномалар бўйича олинган маблағлар ишлаб чиқаришнинг доимийлигини таъминлаш учун хомашё ва керакли қисмларни сотиб олишга сарфланади.

Нима учун яримўтказгичлар ва микросхемаларнинг етишмаслиги автомобилсозлик саноатига таъсир этаяпти?

Пандемия даврида турли хил гаджет ва электрон ускуналарга бўлган талабнинг ошиши бутун дунёда яримўтказгичларнинг етишмовчилигини келтириб чиқарди. Чипларни етказиб беришдаги узилишлар ва таъминот занжиридаги узилишлар аллақачон бир қатор автоулов заводларининг ёпилишига олиб келди. Aксарият замонавий транспорт воситаларини ишлаб чиқаришда ўнлаб микросхемалардан фойдаланади, баъзи ҳолларда уларнинг сони 150 тага етиши ҳам мумкин. Чиплар двигателнинг ишлашидан тортиб, навигация тизимларига қадар жавобгардир. Аммо дунёда ушбу микросхемалар бир нечта заводлар томонидан ишлаб чиқарилади холос. Ҳатто Tesla ҳам микросхемаларнинг етишмаслиги сабабли ишлаб чиқаришни вақтинча тўхтатди.

«UzAuto Motors» да навбатни телеграм бот ва расмий сайт орқали билиб олиш мумкин

«UzAuto Motors»нинг Асака филиалида янги цех ишга туширилди

“Volkswagen Caddy”нинг янги нархлари билан танишинг

2021 йил 13-февраль куни Volkswagen Caddy автомобиллари нархи 30% кўтарилганлиги ҳақида маълум қилишди. Энг қиммат модел нархи 65 млн.га ошди.

“Volkswagen Caddy”нинг янги нархлари

  • Volkswagen Caddy Trendline – 7 кишилик йўловчилар учун мўлжалланган версия 285,6  млн сўм;
  • Cargo Maxi (юк ташиш учун тўплам) — 231,4 млн сўм
  • Volkswagen Caddy Kombi  – юк-йўловчи версияси 212,5 млн сўм.

2021 йилда автомобиллар янги тизим ва қулайликлар билан бойитиганлиги сабабли нархлар кескин кўтарилди. Масалан 7 ўринли Volkswagen Caddy автоси тежамкор 1,6 литр ҳажмли бензин двигатели билан жиҳозланиб, двигатель қуввати 110 от кучига етказилди. Шаҳар режимида ёқилғи сарфи 100 километрга 9,3 литрни, шаҳар ташқарисида эса- 100 километрга 6,1 литрни ташкил этади.

Ўзбекистонда Volkswagen Caddy нинг икки версия мавжуд: стандарт 5 ўринли ва узайтирилган 7 ўринли. Иккаласида ҳам йўловчилар ва юк ташиш моделлари сотилади.

Уларнинг фарқини қуйидаги расмда кузатиш мумкин.

Автомобиллар 4 эшикка эга. Ён эшиклар фақат ўнг томонда бўлса, орқа эшиклар тўлиқ очилади.

Volkswagen Caddy Maxi

Caddy мультируль, кўп ғилдиракли, Bluetooth, ёруғлик ва ёмғир сенсори, тўлиқ комплектатсияли аксессуарлар, иқлим назорати, ўриндиқларни иситиш тизими ва бошқалар билан жиҳозланган. Шунингдек, 7 дюмли экран ҳам мавжуд.

Chevrolet Onix хусусиятлари билан танишинг

Янги ранглардаги Chevrolet Tracker билан танишинг

Chevrolet Onix хусусиятлари билан танишинг

Маълум бўлишича, UzAuto Motors (GM Uzbekistan)  2023 йилга қадар Spark, Nexia, Cobalt ва Gentra ишлаб чиқаришни тўхтатишни режалаштирмоқда. Янги моделлар қаторидан эса Genta ва Cobalt ўрнини эгаллайдиган 10-15 минг долларли Onix жой олади.

Янги автомобиллар ишлаб чиқаришни йўлга қўйиш босқичма-босқич амалга оширилиб, моделлар Chevrolet Onix автоси асосида яратилиши таъкидланди. 10 минг долларга Chevrolet Onix нинг арзон модели тақдим этилса, 15 минг долларга харидорлар тўлиқ комплектатсия қилинган транспортга эга бўлишади. Шунингдек, компания электромобиллар ишлаб чиқариш режалаштирилмоқда. Бундан ташқари яқин келажакда компания сотувдан Chevrolet Cobalt автосини олишини айтиб ўтди.

GM Uzbekistan 2019 йилда Equinox, Traverse, Trailblazer ва Tahoe моделаларининг сотувини йўлга қўйган эди. Кейинги йилларда 2 турдаги седан ва кроссеверлар Ўзбекистон бозорларига чиқарилиши режалаштирилди. Бунинг учун GM Uzbekistan 500 млн доллар буюджетли модернизация ишлари олиб борилмоқда.

Янги ранглардаги Малибу-2 билан танишинг

Chevrolet Onix

2019 йилда Хитойда Chevrolet Cavalier асосида яратилган Chevrolet Onix седанининг тақдимоти бўлиб ўтган эди. Chevrolet Onix шинасининг айланмаси 2600 мм, кузови узунлиги 4474 мм, эни 1730 мм. Бензин қуядиган жой одатдагидек, ўнгда эмас, чап томонда жойлашган. Шунингдек, автомобиль рулини бошқариш, Isofix и Top Tether каби шиналар босимини бошқариш, 6 ҳимоя ёстиқчалари ва бошқа кўплаб тизимлар билан жиҳозланган. Бундан ташқари, автомашинада фараларни автоматик равишда ёқадиган ёруғлик сенсори пайдо бўлди. Смартфонларни эса симсиз қувватлаш мумкин.

Volvo машиналари нархлари ва хусусиятлари билан танишинг

Ҳайдовчилик гувоҳномаси имтихони хусисий секторга берилади

Вазирлар Маҳкамасининг “Автомототранспорт воситаларини бошқариш ҳуқуқини берувчи ҳайдовчилик гувоҳномаларини олиш учун имтиҳонларни ўтказиш соҳасига хусусий секторни жалб этишга доир чора-тадбирлар тўғрисида”ги қарори лойиҳаси муҳокамага қўйилди.

Лойиҳа Президентнинг 2020 йил 7 декабрдаги “Давлат томонидан тартибга солинадиган соҳаларга хусусий секторни жалб этиш бўйича қўшимча чора-тадбирлар тўғрисида” ПҚ–4913-сон қарорига мувофиқ Ички ишлар вазирлиги томонидан ишлаб чиқилди.

Лойиҳага кўра 2021 йил 1 апрелдан Ички ишлар вазирлигига қуйидагилар бўйича кўрсатма берилиши кўзда тутилган:

  • тадбиркорлик субъектлари ҳудудларида ҳайдовчилик гувоҳномасини олиш учун имтиҳонларни ўтказиш ҳуқуқига эга бўлган Давлат йўл ҳаракати хавфсизлиги фаолиятини тўхтатилади;
  • ушбу тадбиркорлик субъектлари билан ўзаро ахборот алмашинувини йўлга қўйилади;
  • тадбиркорлик субъектларида ҳайдовчилик гувоҳномасини олиш имтиҳонлар жараёни устидан Давлат йўл ҳаракати хавфсизлиги хизмати вакилининг бевосита ёки онлайн назоратини таъминланади.

Ички ишлар вазирлигига Ягона автоматлаштирилган ахборот тизимини яратиш бўйича техник топшириқларни 3 ой мобайнида ишлаб чиқиш топширилади:

  • Давлат Йўл ҳаракати хавфсизлиги инспекциясига тегишли бўлган барча ахборот тизимларини ушбу ягона ахборот тизимига бирлаштириш;
  • ўқув гуруҳларда ҳайдовчиликка номзодлар маълумотлар базасини шакллантириш;
  • ўқув гуруҳларидаги ҳайдовчиликка номзодларни идентификация қилиш орқали кундалик таълим жараёнидаги иштирокини (давоматини) назорат қилиш;
  • якуний имтиҳонларни назорат қилиш орқали таълим сифатини баҳолаш;
  • имтиҳонлар натижалари бўйича электрон маълумотлар базасини шакллантириш ва уларни таҳлил қилиш. Бу орқали тузилган таълим муассасалари рейтингини юритиш ва нашр этиб бориш;
  • Соғлиқни сақлаш вазирлигининг маълумотлар базаси билан ҳайдовчи ва номзодларнинг автомототранспорт воситасини бошқаришга яроқлилиги тўғрисидаги маълумотларни электрон тарзда олиш.

Ҳайдовчилик гувоҳномаси имтиҳонлари тизими ўзгартирилиши мумкин

Янги намунадаги хайдовчилик гувохномасини (права) качонгача олиш керак?

UzAuto Motors мартдан шартномалар тузишни бошлайди

“UzAuto Motors” март ойидан Spark, Nexia, Cobalt ва Gentra каби моделлар учун шартномалар тузишни қайта йўлга қўяди.

Бир неча ҳафта илгари Асака заводдан чиқадиган Spark, Nexia, Cobalt ва Gentra автомобиллар сотуви вақтинча тўхтатилган эди. Компания буни бизнес жараёнларини бошқаришнинг комплекс автоматлаштирилган тизими – ERP/CRM SAP’га ўтилаётгани билан изоҳлаган. Хабарларга кўра янги тизим орқали автомобиллар савдосининг шаффофлиги таъминланади.

«UzAuto Motors» да навбатни телеграм бот ва расмий сайт орқали билиб олиш мумкин

Маълум бўлишича, 2021 йил январь ойида “UzAuto Motors”нинг 2020 йилга нисбатан 4 баробар кам транпорт ишлаб чиқарган. Шунга қарамай, компания тузилган шартномалар бўйича барча буюртмалар ўз вақтида етказиб берилиши таъкидланди.

Шунингдек, Ўзбекистонга мамлакат иқлими шароитида синаб кўриш ва потенциал харидорлар фикрини ўрганиш мақсадида Chevrolet Onix моделидан бир неча дона олиб келинди. “UzAuto Motors” ушбу автомобильни ишлаб чиқаришни маҳаллийлаштириш маълум қилди.

Бундан ташқари, Chevrolet ўз моделлaри қaторини янгилаётгани сабали, UzAuto Motors томонидан импорт қилинаётган Equinox автомобили учун шартнома тузиш тўхтатилди. Янги авлод Equinox Ўзбекистонда қачон пайдо бўлиши ҳозирча маълум эмас.

«UzAuto Motors»нинг Асака филиалида янги цех ишга туширилди

Автомобилларни 30 кунга нотариуссиз ижарага бериш мумкин бўлади

Шахсий автомобилларни нотариуссиз 30 кунга қадар ижарага бериш лойиҳаси кўриб чиқилмоқда.

Лизинг ва ижара шартномасини расмийлаштиришда нималарга эътибор керак?

Транспорт вазирлиги матбуоти хабарига кўра жисмоний шахслар нотариал тасдиқлашсиз ва ҳуқуқни муҳофаза қилиш идораларидан рўйхатдан ўтмаган ҳолда ҳам 30 кунга қадар танспорт воситаларини ижарага бериш имкониятига бўлишмоқда.

Транспорт ва Ички Ишлар вазирликларининг талабларига мувофиқ қисқа муддатли ижарага тақдим этилаётган автомобиллар идентификация белгисига эга бўлиши зарур.

Ижарачилар томонидан йўл ҳаракати қоидалари бузилган тақдирда, ушбу маълумотларни транспорт эгаси Давлат йўл ҳаракати хавфсизлиги инспекциясидан олиши мумкин.

Шунингдек, ижарага олувчи шахс, шартнома тузишдан олдин транспорт воситасини таркибий қисмлари борлигини текширишга ҳақли. Aгар нуқсонлар ёки носозликлар аниқланса, у уларни бартараф этишни талаб қилиши мумкин. Шартнома паспорт ва ҳайдовчилик гувоҳномасини тақдим этиш орқали ёзма шаклда тузилади.

Тошкент шаҳридаги 2021 йил мажбурий техник кўрик жадвали эълон қилинди

Тошкент шаҳридаги 2021 йил мажбурий техник кўрик жадвали эълон қилинди

Тошкент шаҳар ҳокимининг қарори билан 2021 йил мажбурий техник кўрик жадвали эълон қилинди.

Автомобилларни қанча муддатда мажбурий техник кўрикдан ўтқазиш керак

Ҳужжатда, шунингдек, юридик шахсларнинг транспорт воситаларини текшириш жадвали акс эттирилди. Пойтахтда рўйхатдан ўтган 7099 та компаниялар рўйхати, уларнинг автомобиллари сони, текширув санаси, вақти ва манзили мавжуд бўлиб, компаниялар туманлар бўйича тақсимланади.

Юридик шахсларнинг автомашиналари 1 мартдан 30 июнгача, жисмоний шахслар – 1 январдан 31 августгача техник кўрикдан ўтказилиши белгиланди.

Бундан ташқари, йўловчиларни ташиш билан шуғулланадиган компаниялар транспорти икки маротаба, 1 мартдан 30 июнгача ва 1 сентябрдан 31 октябргача текширилиб борилади.

Президент Шавкат Мирзиёйевнинг 2021 йилга мўлжалланган Давлат дастурида транспорт воситасини исталган минтақада техник кўрикдан ўказишга рухсат бериш ва янги автомобилни техник кўрикдан ўтказиш талабини бекор қилиш каби қарорлар белгилаб қўйилди.

Янги автомобиллар техник кўрикдан ўтқазилмайди

Лизинг ва ижара шартномасини расмийлаштиришда нималарга эътибор керак?

Республика бўйича 2020 йилнинг январ ойидан ҳозирга қадар 830 нафар фуқаролар томонидан транспорт воситаларини сотиб олиш шарти билан ижарага бериш ёки лизинг хизмати юзасидан шикоятлар келиб тушган. Фуқаролар ушбу шартномаларни тузишда алданиб қолмаслик нималар учун нималарга эътибор беришлари лозим?

Исътемолчилар ҳуқуқларини ҳимоя қилиш агентлиги ушбу ҳолатларни ўрганиб бориб, 585 нафар истеъмолчи фойдасига 5,5 миллиард сўм миқдордаги зарар ундириб берди.

Ўзбекистон Республикаси «Лизинг тўғрисида»ги қонунига мувофиқ лизинг – сотиб олиш шарти ишлаб чиқариш воситалари ва бошқа моддий бойликларни 12 ойдан кам бўлмаган муддатга ижарага бериш ҳисобланади. Лизинг шартномаси 3 тарафлама (сотувчи – лизинг олувчи – лизинг берувчи) ёки 2 тарафлама (лизинг олувчи – лизинг берувчи) кўринишида амалга оширилади. Агар лизинг шартномаси 2 тарафлама тузилса, қўшимча равишда лизинг объектининг олди-сотди шартномаси тузилади.

Қуйидаги талаблардан бири асосида лизинг шартномаси расмийлаштирилади:

  • объект лизинг олувчининг мулкига айланади;
  • лизинг объектининг қолдиқ қиймати унинг умумий қийматининг 20 фоизидан кам бўлади;
  • лизинг объектини унинг бозор қийматидан паст нархда сотиб олиш ҳуқуқига эга бўлади.

Ижарадан фарқли ўлароқ лизинг шартномасида 3 томон қатнашади, ижара шартномасида 2 томон кифоя, учинчи томон билан шартнома тузилмайди. Шунингдек, лизингда ижарага бериладиган мулк лизинг берувчи томонидан мижоз учун махсус харид қилинади, ижарада бу кенг қабул қилинган қарор ҳисобланмайди (яъни ташкилот автомобил  эгаси бўлмаслиги мумкин).

Шартнома тузишда нималарга эътибор бериш керак?

  • шартнома кейинчалик сотиб олиш шарти билан расмийлаштирилаяптими ёки лизинг асосида;
  • компания рўйхатдан ўтганлиги ва фаолият йўналишлари ҳақида маълумотлар тақдим этилдими;
  • харид қилувчи томонларнинг мажбурият ва жавобгарликларига алоҳида эътибор қаратдими.

Агентлик маълумотларига кўра, асосан қуйидаги ҳолатларда истеъмолчилар ҳуқуқлари бузилган:

  • аванс тўловлари тўғрисидаги шартномаларда транспорт воситасининг тўлиқ қиймати кўрсатилмаслиги;
  • ижарага олиш учун зарур бўлган ҳужжатларни йиғиш,тайёрлаш ва расмийлаштириш билан боғлқ харажатларни қоплашга истеъмолчилардан фоиз ундириш;
  • ташкилотнинг ўз мажбуриятларини номувофиқ ёки ўз вақтида бажармаганлиги учун пеня миқдори шартномада кўрсатилмаслиги;

Шунингдек, бошланғич тўловни амалга оширган, аммо бир неча ойлаб бери автомобил воситасини кутаётган истеъмолчилар сони ортиб бормоқда. Бундай мижозларга нархи қимматроқ бошқа русумдаги автомобил воситаси таклиф этилаётган ҳолатларда истеъмолчининг ҳуқуқлари бузилган ҳисобланади.

Янги автомобиллар техник кўрикдан ўтқазилмайди

«UzAuto Motors» да навбатни телеграм бот ва расмий сайт орқали билиб олиш мумкин